SAIMI 2023
Acerca de este proyecto
A cuarta edición do programa “SAIMI: Saúde Integral para Mulleres Inmigrantes” procura continuar proporcionando acompañamento ás necesidades de atención psicoemocional da poboación feminina migrante, agravadas pola pandemia, a través do desenvolvemento de intervencións psicosociais encamiñadas á mellora do seu benestar psicoemocional.
As accións combinaron o desenvolvemento de:
- Atencións de acompañamento psicoemocional personalizadas coa finalidade de apoiar ás mulleres participantes a identificar, comprender, manexar e expresar as súas emocións a fin de superar os problemas emocionais que traen consigo, previlos e aumentar o seu benestar socioemocional.
- Establecemento de grupos de apoio entre iguais para resolver dificultades emocionais das mulleres que compoñen o grupo influenciadas por factores comúns e para que obteñan unha experiencia enriquecedora de crecemento e desenvolvemento persoal e social que favoreza a súa inclusión.
- Accións transversais encamiñadas a dotar ás mulleres participantes de pautas, ferramentas e estratexias que favorezan o apoderamento das mesmas e posibiliten a adquisición de procesos de autonomía na toma de decisións que afecten ao seu benestar físico, emocional e social.
- Elaboración e difusión de material divulgativo que permita a sensibilización sobre a importancia da promoción da saúde integral nas mulleres migrantes da comunidade galega.
Financiado por
