AULAS DE BABEL 2023
Acerca de este proyecto
«Aulas de Babel» é un espazo socioeducativo con diversidade de actividades para rapazas e rapaces de 6 a 17 anos de familias migrantes vulnerables ou en risco de exclusión social.
O seu obxectivo é mellorar os procesos de aprendizaxe e adquisición de bos hábitos de estudo dos menores, así coma ofrecer orientación psicopedagóxica que mellore o seu benestar emocional.
Ademais, promove a educación en valores, habilidades sociais e un estilo de vida saudable entre a mocidade.
Trátase dunha iniciativa na que tamén teñen cabida as familias das e dos participantes, a través da escola de nais e pais, coas que se establecen reunións periódicas de seguimento.
Este proxecto inclúe unha subvención para o equipamento das aulas, concretamente, dispositivos electrónicos para favorecer as capacidades dixitais e o rendemento académico.
Financiado por:
FOAXE 2023: Convocatoria para programas de atención psicosocial e intervención socioeducativa dirixidos a menores en situación de risco ou conflito social. Importe subvencionado: 21.199,58€ (79,37% do total do proxecto: 26.709,81€).
FOIE 2023: Convocatoria do programa de subvencións a entidades sen ánimo de lucro para o investimento de servizos sociais. Importe subvencionado: 2.943,27€ (79,24% do total do proxecto: 3.714,37€).