26 Xul, 2017 FUNDACION EQUIPO HUMANO NO PROGRAMA XOVES INTERCULTURAIS

David López Bao é licenciado en Psicopedagoxía pola Universidade de A Coruña, e está en proceso de finalización dunha tésis doctoral na área de Metodoloxía e Investigación en Educación.

Conta cun Master en Prevención de riscos laborais, Master en Xestión de RRHH pola Universidade de A Coruña e formación superior en Comercio Internacional pola EOI en colaboración coa IGAPE. Ademais, está realizando un Postgrao en Orientación Laboral na Universidad de A Coruña.

Durante máis de 7 anos participou en diferentes proxectos de formación e orientación socio – laboral, a nivel estatal e autonómico, levando a cabo tarefas de xestión e orientación, así como na realización de diferentes proxectos de consultoría dentro da área de formación, RRHH e Comercio Internacional. Así mesmo, tamén conta cunha gran experiencia na tramitación de licitacións e concursos públicos a nivel estatal e autonómico relacionados ca área de formación e inserción laboral.

Desde 2014 e actualmente traballa como Consultor e Técnico de Orientación na Fundación Equipo Humano, xestionando a delegación galega e participando en Programas Públicos e Privados de Recolocación de Traballadores.

Durante a actividade  Gymkana Laboral do Programa Xoves Interculturais David logrou que as persoas participantes contasen a súa experiencia e definir seu perfil mentres traballaban a expresión e comunicación.