22 Xuñ, 2017 Día Internacional dx Refuxiadx
Co motivo do Día Internacional do Refuxiado e da Refuxiada celebramos o 20 de xuño o acto enmarcado dentro do Programa Mesturanda nos que colaboraron o Concello de Culleredo e a Consellería de Política Social da Xunta de Galicia.
O acto cultural comezou as 19:30 no salón de actos dos servizos múltiples de Culleredo onde nos xuntamos arredor de 100 persoas, entre voluntarios/as, persoal da ONG Mestura e participantes. O centro recreaba a saída dunha persoa emigrante polo aeroporto, como unha metáfora da viaxe que realizan onde o túnel de embarque e as maletas representaban a carga emocional da persoa. A condución da gala foi levada polo xornalista Jose Erre que tamén amenizou a tarde co seu monólogo “La vida en una rotonda”.
Trala presentación levouse a cabo a proxección de fotografías da realidade venezolana realizada polo fotógrafo Gabriel Baiz. A música e o baile puxéronos a Agrupación Orinoco Danza e Tradición e a Agrupación Serenata Venezuela.
O acto clausurouse cunha emotiva versión da canción “Venezuela” cantada por todas as persoas asistentes. Por último, puidemos degustar arepas antes de dar por concluída a xornada.