NENEIRAS 2025 – 2026

O Programa Neneiras 2025/2026 continúa a súa andaina coa finalidade de favorecer a inclusión social, a autonomía e a mellora das oportunidades sociolaborais das mulleres migrantes en situación ou risco de vulnerabilidade residentes no rural galego.

Nesta edición, o programa ofrece un acompañamento integral e personalizado, adaptado ás necesidades de cada participante, combinando atención individual, orientación, mediación, asesoramento e diferentes accións formativas.

Un acompañamento adaptado ás necesidades de cada muller

As participantes contaron con diferentes servizos de apoio destinados a facilitar o seu proceso de integración social e laboral:

• Orientación e información sobre recursos, facilitando o acceso aos servizos e prestacións dispoñibles e o contacto con entidades, organismos e servizos.
• Atención psicolóxica, ofrecendo apoio e acompañamento ante as diferentes necesidades persoais.
• Asesoramento xurídico, con orientación especializada ante cuestións legais.
• Mediación intercultural e/ou familiar.
• Adquisición de habilidades e competencias para a empregabilidade, mediante actividades de competencia lingüística, competencia dixital e habilidades sociais, así como formacións como o curso de manipuladora de alimentos e a formación de moza de almacén. Ademais, dúas mulleres vinculadas ao programa participaron na formación de Operacións Básicas de Sala.
• Orientación e acompañamento laboral, apoiando ás participantes na procura activa de emprego e na identificación de oportunidades profesionais.

Deste xeito, o Programa Neneiras combina o acompañamento individualizado, a formación e a orientación laboral, proporcionando ás participantes ferramentas que contribúan ao seu proceso de integración, autonomía e mellora das súas oportunidades sociolaborais.

Financiamento