SAIMI 2025
Acerca de este proyecto
O Programa SAIMI, na súa sexta edición, consolida ano tras ano o desenvolvemento dunha intervención de acompañamento psicosocial dirixida a mulleres migrantes en situación e/ou risco de exclusión.
Trátase dunha iniciativa orientada a prestar apoio ás participantes para que poidan comprender mellor as súas necesidades, facilitando a adquisición de habilidades e destrezas que lles permitan superar a situación de malestar que atravesan e mellorar o seu equilibrio emocional, psicolóxico e social, así como o seu desenvolvemento persoal, familiar, social e comunitario.
O Programa SAIMI ten coma obxectivo xeral o de continuar contribuíndo ao desenvolvemento integral, físico, mental e social de mulleres migrantes en situación e/ou risco de exclusión en todas as etapas de seu ciclo vital.
A proposta identifica os seguintes obxectivos específicos:
- Brindar apoio psicoemocional ás mulleres participantes a través de atencións psicolóxicas individualizadas
- Favorecer a creación de redes de apoio necesarias para estimular o intercambio de experiencias e coñecementos entre as participantes
- Promover estilos de vida saudables a fin de reducir riscos relacionados coa saúde
- Facilitar un espazo de encontro alternativo a mulleres pertencentes a diversos colectivos que posibilite a xeración de novas accións especificas no eido da promoción da saúde
Financiado por:
