«Aulas de Babel»

É un programa socioeducativo dirixido a menores migrantes de entre 6 e 17 anos que se atopan en situación de desvantaxe social debido a unha incorporación educativa tardía, ofrecendo un acompañamento socioeducativo continuado para favorecer o seu desenvolvemento persoal, social e educativo.

Os seus obxectivos son:

• Facilitar a mellora do proceso educativo mediante actividades de reforzo académico e apoio na comprensión dos contidos escolares.
• Promover a adquisición de habilidades, destrezas e actitudes que favorezan a autonomía persoal e as relacións interpersoais positivas.
• Fomentar o benestar psicoemocional, a resiliencia e o autocoidado, reducindo a probabilidade de participación en situacións de risco.
• Educar en valores, igualdade e respecto á diversidade, desde un enfoque inclusivo e de xénero.
• Promover hábitos de vida saudables e o uso pedagóxico das TIC como ferramentas de aprendizaxe.

Ademais, este proxecto tamén inclúe:

• Implicación das familias: creación de espazos de escoita activa, diálogo e seguimento para reforzar a aprendizaxe, a motivación e as rutinas diarias.
• Mediación intercultural: actuación como ponte entre as familias e os centros educativos para facilitar a comunicación e a integración escolar.
• Intervención continuada: metodoloxía centrada no proceso evolutivo dos/as menores, garantindo aprendizaxes significativas e atención á diversidade en igualdade de condicións.

Financiación:

Fundación Santander: I Convocatoria “Educación para a infancia e adolescencia vulnerable”. Importe subvencionado: (20.000€)
Deputación da Coruña, mediante:
• Programa FOAXE-P: Convocatoria dos programas de atención psicosocial e intervención socioeducativa dirixidos a menores en situación de risco ou conflito social. Importe subvencionado: 23.600,00€ (79,35 % do proxecto: 29.741,65€)
• Programa FOIE : Convocatoria dos programas de atención psicosocial e intervención socioeducativa dirixidos a menores en situación de risco ou conflito social. Importe subvencionado: 10.419,13€ (80 % do proxecto: 13.023,91€)